Profile
Blog
Photos
Videos
Mir hei zu dä gliche Konditione das schöne Inseli umi verlah und si zrug uf Bali. Der Deal isch nid ganz genau der glich gsi, wüll si hei üs in Seminyak eifach alli am gliche Ort useglah u nid direkt bir Unterkunft... äääj mir hei aber du ner gad Glück ka, das zwöi anderi iz gliche Hostel hei müesse wie mir u ner heimer du gad es Taxi teilt :-).
Üses Hostel hie (Umahku) isch würklech mega guet gsi, rächt luxuriös, si das gar nümme gwannet gsi =P. Z Zimmer isch riisig gsi u mir hei sogar warms Wasser ka, heis ja sälber fasch nid gloubt, so nach 2 Wuche chalt dusche isch das wunderbar gsi :-). Was o fräch isch gsi, mir hei ä Pool und es eigets Kaffibeizli im Hostel ka, somit hei mir jede Morge ä Früehstücks Bowl miteme superfeine Kaffi ka, alles was das Herz begehrt, würdi da mal sägä :-). D' Lag isch o guet gsi, imene 20min Fuessmarsch ischmä nämlech am Strand unde gsi.
Seminyak isch sehr touristisch und üs hets gwüss z viel Lüt ka, so nachem chline Inselflair ire Grossstadt umeschlendere isch gad ä Schock gsi, aber ja, alli Mal besser wo schaffe =P.
Was mir hie so 4 Täg triebe hei?
Am erste Abe hei mir üs mit dr Claudia Dardel (vo Interlake) troffe u ihrere Kollegin, die hei da nämli da gad Ferie gmacht u mir hei gwüss ä super Abe ka! Isch köstlech gsi mal wieder mit anderne Schwizerdütsch z rede :-).
Uja schüsch si mir da chli ga shoppe, hie hets nämlech so kuuli Läde da chame nid eifach nüt choufe.. hahaha u schüsch hei mir hie z volle Wohlfüelprogramm dürezoge: Bade, ässä, Manicure, Pedicure u Massage :-).
Das wo mä halt so macht, weme Zyt het haha.
Mehrheitlech hei mirs am Pool chillet u si ner gägä Abe az Meer abe für d' Sunneuntergäng z luege. Hie si d' Sunsets o schön, glich wie in Canggu, nume hets da viel meh Lüt ka :-).
O hie chame sech guet vertöörle :-).
- comments