Profile
Blog
Photos
Videos
milesandsmileys
Da mir der Räge de doch langsam o gseh hei, heimer entschiede uf die anderi Site vom Land z gah. :-) Mir si 7.5h Bus gfahre bismer ar Pazifikküste in Manuel Antonio si acho. Bir Akunft heimer scho es extrem schöns Sunset gseh und es het üs scho überzügt, dasmer da genau richtig si. 1 Challenge: Finde eine Unterkunft.. Ds heimer rächt zackig erlediget ka, mir hei imene Restaurant nachegfragt obs es Hostel ir nechi heig u zäg heimer eis ka. Costa Linda, 3 min vom Strand entfernt u nur 12Chf ir Nacht pro Person, äs Schnäppli bi dere Lag. Ds Zimmer isch natürlech nid der Wahnsinn gsi u Duschine hei schier nid frunktioniert aber zum liege hets glängt :-) Mir hei dört super Lüt kenne glernt u si schlussendlech 4 Nächt dert gsi. Mir hei in Manuel Antonio brav Sunne tanket, äs isch nämlech geng schön über 30 Grad gsi. Mir si sogar ga surfe, es het anders gfägt, mir hei ämel bis a Strand chönne flitze aber es het üs o z einte oder ander Mal brav ufd Frässe grüert. Da ligt also no verbesserigs Potenzial drin, ds Salzwasser chöimer sägä isch demendsprechend fein gsi =P Der Nationalpark heimer üs o nid la entgah, alles isch schön grüen u mir hei äs Fuultier gseh und mä cha ner im Park sogar a Strand :-)
- comments